Кăçал чăвашсен паллă сăвăçи çуралнăранпа 120 çул çитрĕ. Сумлă юбилее халалласа Чăваш енре тĕрлĕ мероприяти иртрĕ. Çак мероприятисене пирĕн шкул вĕренекенĕсем те хастар хутшăнчĕç.
Çу уйăхĕнче Республикăри Çеçпĕл музейĕ ирттернĕ «Çеçпĕл Шупашкарта» викторинăна хутшăнса Петрова И. (9 кл.) 2 степеньлĕ диплома, А. Федоров сертификата тивĕçрĕç.
Юпа уйăхĕнче Канаш районĕчи Çеçпĕл ялĕнче «Çеçпĕл кăвайчĕ» поэзи фестивальне хутшăнса Захарова В. (7 кл.) тата Николаев К. (8 кл.) 3 степеньлĕ дипломсене тата парнесене (Валерий Туркай кĕнекисене), Степанова М. Тав хучĕпе парнесене тивĕçрĕç.
Чÿк уйăхĕнче «Тантăш» хаçатпа Чăваш Наци Конгресĕ ирттернĕ «Кăвар чĕреллĕ сăвăç» викторинăна хутшăнса Захарова В. (7 кл.) тата Николаев К. (8 кл.) çĕнтерÿçĕсем пулса тăчĕç.
Çавăн пекех чăваш чĕлхипе литературине вĕрентекенсем Л.Н. Клементьевăпа Е.М. Михайлова И.Я. Яковлев ячĕллĕ Чăваш патшалăх педагогика университечĕн чăваш тата вырăс чĕлхисен кафедри 2019 çулхи чÿк уйăхĕн 19-мĕшĕнче чăвашсен Аслă поэчĕ Çеçпĕл Мишши çуралнăранпа 120 çул çитнине халалласа «Халăхăмăр мухтавĕ. Вилĕмсĕр Йыхравçă» Регионти наукăпа практика конференцине хутшăнчĕç.