Раштавăн 27-мĕшĕнче Шупашкарта Чăваш патшалăх оперăпа балет театрĕнче республика пуçлăхĕн черетлĕ ёлки иртрĕ. Уява Чăваш Енри чи пултаруллă та маттур ачасем хутшăнчĕç. Çак уявра Йĕпрĕç районĕнчен 25 вĕренекен хутшăнчĕ. Вĕсенчен иккĕшĕ - пирĕн шкул вĕренекенĕсем: В. Захаровапа М. Степанова. Машăпа Виктория иккĕшĕ те 7-мĕш класра вĕренеççĕ. Питĕ пултаруллă вĕренекенсем: тĕрлĕ конкурссене, спорт ăмăртăвĕсене хастар хутшăнаççĕ, малти вырăнсене тухаççĕ. Кăçалхи вĕренÿ çулĕнче районта иртнĕ олимпиадăра Маша 6 хутчен хутшăнса 4 хут малти вырăнсене, Виктория 6 хутчен хутшăнса 3 хут малти вырăнсене йышăнчĕç.
Малтанах ёлкăна килнисем оперăпа балет театрĕн артисчĕсем лартнă «Бременские музыканты» спектакль курчĕç. Ун хыççăн капăр чăрăш тавра юрласа-ташласа савăнчĕç. Юмахсенчи персонажсем тĕрлĕ вăйăсем выляттарчĕç. Юлашкинчен Хĕл Мучипе Юрпике килсе çитрĕç, ачасене уяв ячĕпе, Çĕнĕ çулпа саламларĕç.
Ёлкăна килнисене пылак Çĕнĕ çул парнине тата Республика пуçлăхĕн саламне парнелерĕç.
.jpg)
.jpg)