Пуш тата ака уйăхĕсенче Йĕпреç районĕн пĕтĕмĕшле пĕлÿ паракан вĕренÿ учрежденийĕсен 7–11-мĕш класĕсенче вĕренекенсен хушшинче чăваш литературин классикĕ Константин Иванов çуралнăранпа 130 çул çитнине халалланă «Халăхăн çутă çăлтăрĕ» викторина иртрĕ. Ăна Чăваш наци конгресĕн вĕренÿ комитечĕ, Йĕпреç район администрацийĕн вĕренÿ пайĕпе чăваш чĕлхипе литератури вĕрентекенсен ассоциацийĕ тата Чăваш наци конгресĕн Йĕпреç районĕнче Владимир Марушев ертсе пыракан уйрăмĕ йĕркелерĕ.
Вăйă-ăмăртăва пирĕн шкул вĕренекенĕсем те хастар хутшăнчĕç: 7 класра вĕренекен В. Захаровăпа О. Сильвестрова çĕнтерÿçĕсем пулса тăчĕç.
Вĕсене викторинăра çĕнтернĕ ятпа ăшшăн саламлатпăр, яланах хастар пулма, малашне те ăс-хакăлпа пултарулăх ăмăртăвĕсенче малти вырăнсем йышăнма вăй-хал, ăнăçу сунатпăр.