Раштав уйăхĕнче «Тантăш» хаçат тата Чăваш наци конгресĕн вĕренÿ комитечĕ республика шайĕнчи «Санăн хушамату мĕне пĕлтерет?» конкурс ирттерчĕ. Пултарулăх ăмăртăвне Чăваш, Тутар тата Пушкăрт республикисенчи 23 вĕренекен хутшăннă. Вĕсем хушшинче - пирĕн шкулта 5-мĕш класра вĕренекен А. Евгений. Вăл амăшĕн хушаматне тĕпчесе «Кураковпа Проколов хушаматсен вăрттăнлăхĕ» ĕç çырса çĕнтерÿçĕсен ушкăнне кĕме пултарчĕ. Женьăна саламлатпăр, малашне те «Тантăш» хаçатпа туслă пулма, викторинăсемпе конкурссене хастар хутшăнма кăмăлпа чăтăмлăх тата ырлăх-сывлăх сунатпăр.
