2020 çулхи раштавăн 14-мĕшĕнчен пуçласа 2021 çулхи кăрлач 18-мĕшĕсенче Чăваш Республикин вĕренÿ институчĕ йĕркеленипе Петĕр Хусанкая халалласа вĕренекенсен пултарулăхĕн «Хусанкай вулавĕсем – 2021» регион фестивалĕ иртрĕ. Фестивале Чăваш, Тутар, Пушкăрт Республикисенчен тата Самар, Ульяновск облаçĕсенчен пĕтĕмпе 235 ача хутшăнчĕ. Вĕсем П. Хусанкайăн сăввисене чăвашла, тутарла, вырăсла вуласа ÿкернĕ видеороликсем хатĕрлесе хăйсен пултарулăхне кăтартрĕç. Хĕрÿ тупăшура 82 вĕренекен çĕнтерÿçĕсемпе призёрсем пулса тăчĕç.
Пирĕн шкул вĕренекенĕсем те çак конкурса хастар хутшăнчĕç. 9-мĕш класра вĕренекен К. Николаев П. Хусанкайăн «Савнă çĕр – Чăваш çĕршывĕ», 8-мĕш класра вĕренекен В. Захарова «Пирĕн Çеçпĕл Мишши» сăвăсене вуласа çĕнтерÿçĕсем пулса тăчĕç.
Вĕсене саламлатпăр!