Автор: Иванова Л.Ю. 

 Чăваш Республикин вĕренӱ институчĕ йĕркеленипе 2022 çулхи кăрлачăн 12-24 мĕшĕсенче П. Хусанкай поэт çуралнăранпа 115 çул çитнине халалласа вĕрентекенсемпе вĕренекенсен пултарулăхĕн «Хусанкай вулавĕсем – 2022» регион фестивалĕ иртрĕ. Фестивале Чăваш, Тутар, Пушкăрт Республикисенчен пĕтĕмпе 257 ачапа 43 учительпе культура ĕçченĕсем хутшăнчĕç. Вĕсем хăйсен пултарулăхне Петĕр Хусанкайăн сăввисене чăвашла, тутарла, вырăсла вуласа ӱкернĕ видеороликсем хатĕрлесе кăтартрĕç. Пирĕн шкултан çак фестивале 2-мĕш класра вĕренекен Петрова Ирина (ертӱçи Иванова Л.Ю.) та хутшăнчĕ, призер пулса палăрчĕ. Эпир Иринăна саламлатпăр, малалла та маттур, хастар пулма сунатпăр!