Автор  Михайлова Е. М.

     Раççей Федерацийĕнче халăхсен культура еткерлĕхĕн Çулталăкне тата Чăваш Республикинче мухтавлă  ентешсен Çулталăкне халалласа Чăваш наци конгресĕн вĕренӳ комитечĕ «Манăçми ятсен çухалмĕ чапĕ» викторина йĕркелесе ирттерчĕ. Вăйă-ăмăртăва ирттерекенсен йышĕнче Чăваш Республикин вĕренӳ тата çамрăксен политикин министерстви, Чăваш Республикин Наци библиотеки те пулчĕ. Конкурса Чăваш, Тутар, Пушкăрт Республикисенче, Чĕмпĕр облаçĕнче вĕренекен 200 ытла шкул ачи, студент хастар хутшăннă. Çак кунсенче çĕнтерӳçĕсемпе призёрсем  палăрчĕç. 9-мĕш класра вĕренекен  Виктория Захаровăпа Ольга Сильвестрова çĕнтерÿçĕсен йышне лекни савăнтарчĕ.

     Вĕсене  литература  вăййине хутшăннăшăн тав тăватпăр, малашне те хастар пулма лайăх кăмăл, чăтăмлăх, ăнăçу сунатпăр.