Авторĕсем Л.Н.Клементьева , Е.М.Михайлова. 

Ака уйăхĕн 23-мĕшĕнче, Муркаш районĕнчи Калайкасси шкулĕнче, Чăваш Республикин Мухтавлă ентешсен çулталăкне халалланă «Чăваш ачи чăвашах» 6-мĕш фестиваль иртрĕ. Фестивале Чăваш Республикин вĕренÿ институчĕ, Чăваш наци ăслăлăхпа ÿнер академийĕ, Чăваш наци конгресĕ тата Калайкасси шкулĕ йĕркеленĕ. Фестиваль ăмăртăвĕсене  Пучинке шкулĕн вĕрентекенĕсемпе вĕренекенĕсем  те хутшăнчĕç.  «Вĕрентекенсен пултарулăх лаççи» -  секцине  О.В. Федорова, акăлчан чĕлхи вĕрентекенĕ, хутшăнчĕ. Ăмăртура 5-11классенче чăваш чĕлхи предметне вĕрентмен учительсем чăвашла уçă уроксем ирттерчĕç. «Сарă каччăпа сарă хĕр» секци ăмăртăвне   9-мĕш класра вĕренекен Захарова Викторияпа Пашков Артем хутшăнса 3-мĕш вырăна çĕнсе илме пултарчĕç. «Тăвалла пулсан та малалла» секци ĕçне шкул директорĕ Дмитрий Владимирович Ильин хутшăнчĕ, «Чăвашлăха упрар» проекта хÿтĕлесе , 2-мĕш вырăна тухрĕ.

 Пурне те саламлатпăр, малашне те пысăк çитĕнÿсем тума сĕнетпĕр.